Norðuratlantiska kappingin í Miðvági í næsta mánað

Beint undan ólavsøku, 25. og 26. juli, er BSKF vertur fyri Norðuratlantisku Bogaskjótikappingini 2026 – The North Atlantic Archery Competition 2026 – á MB Arena í Miðvági. 

Bogaskjúttarnir í Orknoyggjum blástu í 2024 lív í aftur Norðuratlantisku bogaskjótikappingina, sum var ein vælumtókt kapping, til hon datt niðurfyri fyri stívliga 15 árum síðan. 

Í Orknoyggjum hugsaðu tey eisini, at kappingin egnaði seg væl sum ein aðalroynd uppá bogaskjótikappingina á Oyggjaleikunum, sum skuldu verða har árið eftir – altso í fjør summar – og nú Føroyar verða vertir fyri The North Atlantic Archery Competition, er støðan júst tann sama her, tí kappingin kann brúkast sum aðalroynd uppá Betri Oyggjaleikir í Føroyum í 2027.  

Bogaskjótikappingin á Betri Oyggjaleikum verður eisini á MB Arena í Miðvági. 

Á The North Atlantic Archery Competition 2026 verður kappast soleiðis: 

Leygardagin 25. juli verður ein full FITA-kapping – 144 pílar á 30, 50, 60, 70 og 90 metrum og sunnudagin 26. juli verður eitt 720-umfar – 72 pílar á 50 og 70 metrum.  

Freistin at tekna seg er 15. juli, og tað skal gerast í telduposti til bskf@bskf.fo – upplýs navn, kyn, bogaslag og skjótifelag. 

​

Nærri kunning verður, tá tað er greitt, hvussu nógvir luttakarar vera í kappingini.